jå̄rló̰ miśkə́rək majt

 

1. jå̄rló̰ miśkə́rək å̄ls, kujǻs. nī wuní på̄sə́ jokts: áits tuĺä́təŋ

åkčǻt ī́kəm. på̄j t́ə̄t́ä́ti ål, nī wuní åkčǻ kənšə́ŋ på̄j t́ə̄t́ä́tin mińä́nt.

koš kənšä́nt: åkčǻl ǟ mäjä́ntiu. miśkə́rək kujä́lim jú-mińä́nt. « iń

ǟm ńokó̰r wǟrə́m » - wojlǻtål - « åkčǻ iń kotə́l wum? » ju-jis,

mǻltåk wujä́nt, sojnǻ mińä́nt. sojtǻ ilkä́läl, ilkä́läl: äk-kån älə́ŋ ǟ

šīlä́nt. « kotə́l ńokó̰r wum?! t́ə̄t́ä́mən íl-råstúsəm i sojtǻ älní wórəm

ī́kəm. » tə̄́-wojlǻtål, tə̄́-wojlǻtål, úk-mət-čö́ut mus kul wåjǻnt. tå̄rəm

íl-jiŋkəs, ti muś kul-kə̄r ko̰jó̰ŋ kåjǻs. i-jət kit́ pǟlt ålǻ-kotə́l

ko̰mnǻ jäjús. ko̰m kit́úlälil: « nöu čiš ńokó̰r tit́ wǟrä́ntēn? » -

« tusléjiŋ jísəm. » - « älä́sən mətä́r? » - « ä́k-ńokó̰r älə́ŋ píśəm

ī́kəm. » - « ukin iń tusléjiu, šå̄́tu ärún sówə. » ko̰lä́it́åtən kǟlst,

úk-jitə́l tusléjiŋ mińä́st. jänú ko̰m åmǻĺt́ål: - « míńən čiš ńumǻs-

pǟl kǟt-pǟlən, äm ålmǻk-pǟl kǟt-pǟlən mińḗm. » miśkə́rək mińä́s:

ləin älə́sləs, so̰s älä́s, ńókos älä́s, ukšǻr älä́s, tå̄rə́ŋ älä́s, tit́í juní-

pǟlt kulné jú-mińä́s. mā́tək ko̰mə́t ås jis. « älä́sən, čiš. mətä́r? » -

kit́úläl. - « tå̄rə́m məs wúśkəĺək » - lǟnt jå̄rló̰ miśkə́rək - « nöu

mətä́r älä́sən? » - « wúśkəĺək äm-pəl älä́səm. » mā́tək kǻtəl äləslə́m

kårǻn šåk ukín jåwǻlstån: ärúlåkən kǟn älə́sləst, ukín jåwǻlo̰ŋ

wöwä́n surú jokts.

2. jänú ko̰m miśkə́rəkmi kit́úlälil: « nöu nītä́l miśkə́rək å̄́sən,

əntä́m nīŋ-kår å̄́sən? » - töu åmǻĺt́ål! « nīm ī́kəm i nī wuní akčǻm

ī́kəm » - « äm-pöltəmt kōrə́m äw ål, kot-kårən nǻmtən pä́ti, tut́i

wun! iń míńən, ti tǻuĺətmə wošnǻ tåtä́n, íl-pə̄rtä́n, wortə́ ǟ wum, ńə̄r-

šåut wun åkčǻ, šåk no̰u-kårən sówə! » miśkə́rək jú-mińä́s, lo̰t

jikä́ls, tǻuĺətmə wošnǻ tåtǻstån, šåtə́rå sǻlkowoi lək íl-pə̄rtstä́n. tit́í

juní-pǟlt jú-mińä́s, tə̄t́ä́tin jortko̰ú jít-ustíl: « tə̄t́ä́! » - lǟnt -

« jä́jin äm-jitləm! äm nī kåntǻsəm ä́məkkimən. » mińä́st ńṓplåkto̰ŋ

muś kul-på̄kən jóktəst: mə́skäu-ĺåŋ wäip ńumǻs ĺåŋ kó̰ji. t́ə̄t́ä́ti

ǻs-säití íl-kulǻnt: « ńər-šåu pår ilkä́lsəm tusléjim tit́, tämə́ŋ ĺåŋ ǟ

wäčä́ntsəm » - lǟnt. muś kulnə́l ko̰šó̰t ī́kəm kūnə́l po̰ńím wōš

wǟ́kåtål. tū mińä́st, wōš-sei mińä́ntēt, jänú wäitə́ŋ kul-på̄kən joktǻn-

tēt. ä́ńčuk kun-kǟls. « tī kå̄jín » - lǟnt - « tī́kəs äm kúləmən! »

ten kå̄jǻst, kul-kə̄r jú-tōstǻ, kṓrəm ílməś wäitə́ŋ ǟwən lət kǟlúst

ńṓplåkto̰ŋ naukótst, wə̄rńu ǟw íl-ńōplə́stil. jänú toj wǟrúlst, íl-piń-

čä́t́lətəkst, årǻk ä́jist, ätə́ŋ tīní tīst. äm tut́ å̄lsəm, årǻkəl ǟ äjtú-

səm, ätə́ŋ tīníl ǟ täjtúsəm. íl-åštəsəm, uk-ä́il íl-kaitsəm.